Меню сайта
Novoteka
Мини-чат
Наш опрос
Статистика
Онлайн всего: 1
Гостей: 1
Пользователей: 0
Поиск
| Главная » Статьи » Молитвы |
Часы Святой Пасхи
Часы Святой Пасхи:это особые молитвы, которыми в Пасхальную седмицу заменяются обычные молитвословия перед Литургией. Также они читаются вместо утренних и вечерних молитв.Молитвами святых отец наших, Господи Иисусе Христе, помилуй нас. Аминь. Христос воскресе из мертвых, смертию смерть поправ, и сущим во гробех живот даровав. (Трижды) Глас 6: Воскресение Христово видевше,/ поклонимся святому Господу Иисусу,/ единому безгрешному./ Кресту Твоему покланяемся Христе,/ и святое воскресение Твое поем и славим:/ Ты бо еси Бог наш,/ разве Тебе иного не знаем,/ имя Твое именуем./ Приидите вси вернии,/ поклонимся святому Христову воскресению:/ се бо прииде Крестом радость всему миру./ Всегда благословяще Господа,/ поем воскресение Его:/ распятие бо претерпев,// смертию смерть разруши. (Трижды) Ипакои, глас 8: Предварившия утро яже о Марии,/ и обретшия камень отвален от гроба, / слышаху от Ангела:/ во свете присносущнем Сущаго,/ с мертвыми что ищете, яко человека;/ видите гробныя пелены, тецыте, и миpy проповедите,/ яко воста Господь, умертвивый смерть,// яко есть Сын Бога, спасающаго род человеческий. Кондак, глас тот же: Аще и во гроб снизшел еси, Безсмертне,/ но адову разрушил еси силу,/ и воскресл еси яко победитель, Христе Боже,/ женам мироносицам вещавый: радуйтеся,/ и твоим апостолом мир даруяй,// падшим подаяй воскресение. Во гробе плотски, во аде же с душею яко Бог,/ в раи же с разбойником, и на престоле был еси, Христе, со Отцем и Духом,// вся исполняяй неописанный. Слава Отцу и Сыну и Святому Духу: Яко живоносец, яко рая краснейший,/ воистину и чертога всякаго царскаго показася светлейший, Христе, гроб Твой,// источник нашего воскресения. И ныне и присно и во веки веков, аминь: Вышняго освященное Божественное селение, радуйся:/ Тобою бо дадеся радость, Богородице, зовущим:// благословена Ты в женах еси, всенепорочная Владычице. Господи, помилуй. (40 раз) Слава Отцу и Сыну и Святому Духу; и ныне и присно и во веки веков, аминь. Честнейшую херувим и славнейшую без сравнения серафим,/ без истления Бога Слова рождшую,/ сущую Богородицу Тя величаем. Молитвами святых отец наших, Господи Иисусе Христе, помилуй нас. Аминь. Христос воскресе из мертвых, смертию смерть поправ, и сущим во гробех живот даровав. (Трижды)  Понравился пост? Поделись! | |||||||||||||||||||||
|
| |||||||||||||||||||||
| Просмотров: 5210 | | | |||||||||||||||||||||
| Всего комментариев: 0 | |
